Sperma keyfiyyətinə necə təsir edir?
Normalda xayalarda temperatur bədən temperaturundan 2–3 dərəcə aşağı, təxminən 34°C olur. Genişlənmiş damarlarda qanın durğunlaşması xayanın istiliyini artırır və bu, sperm istehsalına mənfi təsir göstərir — sperma sayı, hərəkətliliyi və forması pisləşə bilər.
Müalicə nə vaxt lazımdır?
Hər varikosel əməliyyat tələb etmir. Cərrahi müalicə əsasən sperma göstəriciləri pozulmuş, sonsuzluq problemi olan və ya ağrı yaradan hallarda planlaşdırılır:
- Sperma keyfiyyətinin pozulması
- Sonsuzluq problemi
- Varikoselə bağlı ağrı və ya diskomfort
Mikroskopik varikoselektomiya niyə üstündür?
Mikroskopik üsulda əməliyyat mikroskop altında aparılır: genişlənmiş damarlar dəqiq bağlanır, arteriya və limfa damarları qorunur. Nəticədə təkrar (residiv) və ödem riski azalır, sperma keyfiyyətinin yaxşılaşma şansı artır.
Nəticə nə vaxt görünür?
Əməliyyatdan sonra spermoqramma nəticələri adətən 6–9 ay sonra qiymətləndirilir, çünki spermlərin əmələ gəlmə dövrü təxminən 3 ay çəkir. Nəticə fərdidir və müntəzəm izləmə ilə dəyərləndirilir.